យុវជនម្នាក់ផ្ញើសារតាមប្រព័ន្ធ SMS ឱ្យនារីដែលខ្លួនចាប់អារម្មណ៍ “អូនសំឡាញ់ ! ពេលអូនអានសារនេះ គឺអូនជំពាក់បងការណាត់ជួបមួយ។ បើអូនលុបសារនេះ គឺអូនជំពាក់បងស្នេហាមួយ តែបើរក្សាសារនេះទុក គឺជំពាក់បងស្នាមថើបមួយ។ បើអូនឆ្លើយតបវិញ គឺអូនជំពាក់បងសព្វយ៉ាង តែបើអូនមិនឆ្លើយតបទេ បានសេចក្ដីថាអូនស្រឡាញ់បង !” ។ មួយសន្ទុះក្រោយស្រាប់តែយុវជនទទួលបានសារឆ្លើយតប តែ ផ្ញើតាមទូរស័ព្ទផ្សេង “អញជាមិត្ដប្រុសរបស់នាង, ឯងឃើញសាររបស់យើងហើយ យប់នេះត្រូវតែជួប យើង។ បើឯងលុបសារនេះ ឯងទទួល១០ដៃ តែបើរក្សាសារនេះទុក ឯងត្រូវទទួល២០ជើង ។ បើឯង ឆ្លើយតបវិញ ឯងជំពាក់យើងសព្វបែបយ៉ាង រាប់ទាំងព្រនង់ផង តែបើឯងមិនឆ្លើយតបទេ យប់នេះអញ ទៅផ្ទះឯងទូទាត់បញ្ជីឱ្យដាច់ស្រេច !”។
ដកស្រង់ពីកាសែតកោះសន្តិភាព
