មូលហេតុប៉ាវាយ ខែ វិច្ឆិកា 27, 2007

កូនប្រុសតូចប្រាប់ម្ដាយ ៖
-ម៉ាក់អើយ ! ថ្ងៃនេះប៉ាមួម៉ៅវាយខ្ញុំពីរដង ។
-គាត់មួម៉ៅរឿងអីបានជាវាយកូនឯងដល់ទៅពីរដង ?
-លើកទីមួយគាត់មួម៉ៅពេលខ្ញុំបង្ហាញឱ្យមើលសៀវភៅតាមដានការសិក្សាឃើញបានតែ២ពិន្ទុ ។ លើកទីពីរគាត់មើលដឹងថា សៀវភៅតាមដានការសិក្សានោះជារបស់គាត់កាលពីមុន ដូច្នេះសៀវភៅ របស់គាត់ដដែល គាត់វាយខ្ញុំដល់ទៅ២ដង ៕

ដកស្រង់ចេញពីកាសែតកោះសន្តិភាព

មន្ដ្រីពន្ធដារ ខែ វិច្ឆិកា 27, 2007

បុរសម្នាក់ធ្វើដំណើរទៅផ្សារដោយនាំកូនប្រុសអាយុ១០ឆ្នាំទៅជាមួយផង។ កុមារនោះដើរបណ្ដើរ លេងល្បែងបោះសេនឡើងលើ ហើយហាមាត់ត្រងនិងខាំជាប់ប្រឡោះធ្មេញបណ្ដើរ សេនមិនដែល ធ្លាក់ហួសធ្មេញចុះដល់បំពង់កម្ដងណាឡើយ ។ ភាពប៉ិនប្រសប់នេះធ្វើឱ្យវាមានមោទនភាព គិតតែ លេងដដែលៗ នៅពេលឃើញអ្នកផងសរសើរវា ។
ប៉ុន្ដែលុះចូលក្នុងផ្សារមនុស្សច្រើន ស្រាប់តែមានគេប៉ះខ្លួនវា ធ្វើឱ្យវាបាត់ជំហរសេនក៏ធ្លាក់ចុះជាប់ បំពង់ក ប្រកាច់បញ្ឈរភ្នែក។ បុរសជាឪពុកភ័យស្ទើរលែងសល់ព្រលឹងក្នុងខ្លួន ស្រែកហៅគេឯងឱ្យ ជួយសង្គ្រោះកូនប្រុសខ្លួន ។
នៅក្នុងផ្ទះលក់កាហ្វេខាងណោះផ្លូវ បុរសចំណាស់ម្នាក់កំពុងផឹកកាហ្វេបណ្ដើរមើលកាសែតបណ្ដើរ។ ពេលឮសម្រែកភ័យស្លន់ គាត់យកកាសែតគ្របលើកែវកាហ្វេ ហើយរត់ឆ្លងថ្នល់មក ។
ភ្លាមនោះគាត់លូកដៃច្របាច់យ៉ាងខ្លាំងត្រង់ពោះកុមារ។ តែប៉ុន្មានវិនាទីប៉ុណ្ណោះ កុមាររងគ្រោះ ក្អួតធ្លាក់សេនចេញតាមមាត់វិញ។ គាត់លូកដៃយកសេន ហុចឱ្យឪពុកវា ហើយដើរឆ្លងថ្នល់ទៅបន្ដ ផឹកកាហ្វេអានកាសែតធ្វើព្រងើយ។
បុរសជាឪពុកបន្ទាប់ពីបាត់តក់ស្លុត ម្នីម្នារត់ឆ្លងថ្នល់ទៅថ្លែងអំណរគុណអ្នកជួយសង្គ្រោះជីវិតកូនរបស់ ខ្លួន ៖
-លោកពិតជាអស្ចារ្យណាស់ ! អម្បាញ់មិញបើគ្មានលោកទេកូនប្រុសខ្ញុំប្រហែលស្លាប់ហើយ ។
សូមលោកទទួលនូវការអរគុណពីខ្ញុំ…
-ម៉េចចាំបាច់ធ្វើអ៊ីចឹង? រឿងតូចតាចតើ!
-អនុញ្ញាតឱ្យខ្ញុំសុំសួរបន្ដិច លោកជាវេជ្ជបណ្ឌិតឯកទេសវះកាត់មែនទេ?
-វេជ្ជបណ្ឌិតឯកទេសអី ខ្ញុំគ្រាន់តែជាមន្ដ្រីពន្ធដារកំប៉ិកកំប៉ុកប្រចាំផ្សារនេះប៉ុណ្ណោះ ។
-មន្ដ្រីពន្ធដារ?
-ត្រូវហើយ! បើមិនចេះរបៀបច្របាច់ឱ្យចេញក្អួតដូចអម្បាញ់មិញទេ ធ្វើមន្ដ្រីពន្ធដារ ម៉េចកើត ?

ដកស្រង់ចេញពីកាសែតកោះសន្តិភាព

របៀបតាមដានប្រពន្ធ ខែ វិច្ឆិកា 20, 2007

បុរសបីនាក់និយាយគ្នាពីរបៀបតាមដានប្រពន្ធនៅពេលខ្លួនត្រូវទៅឆ្ងាយពីផ្ទះយូរថ្ងៃ។ បុរសទីមួយនិយាយ ប្រាប់ពីរនាក់ទៀត ៖
-ទម្លាប់របស់ខ្ញុំគឺប្រើម៉ាស៊ីនថតសំឡេង។ ខ្ញុំលួចបង្កប់ម៉ាស៊ីនថតសម្លេងក្នុងបន្ទប់ដេក ។ ពេលត្រឡប់ មកពីបំពេញបេសកកម្មតាមខេត្ដវិញ យកម៉ាស៊ីននោះបើកស្ដាប់ដឹងខ្ទេចខ្ទី រឿងរ៉ាវដែលប្រពន្ធនៅផ្ទះ ធ្វើអីខ្លះ ។
បុរសទីពីរងក់ក្បាលតិចៗ ៖
-របៀបហ្នឹងក៏គ្រាន់បើម្យ៉ាងដែរ តែខ្ញុំចូលចិត្ដប្រើកាមេរ៉ាជាង។ ខ្ញុំលួចបង្កប់កាមេរ៉ាក្នុងបន្ទប់ដេក ពេលមកវិញបើកមើលឃើញទាំងអស់ប្រុសណាខ្លះមកអីៗជាមួយប្រពន្ធខ្ញុំ ។
ដល់វេនបុរសទីបីម្ដង ៖
-ចំណែកខ្ញុំ ខ្ញុំមិនធ្វើដូចបងទាំងពីរទេ។ ធ្វើអ៊ីចឹងដឹងបានតែនៅក្នុងបន្ទប់, ចុះបើគេទៅអីៗនៅកន្លែង ផ្សេងធ្វើម៉េចដឹងទៅ?
វិធីរបស់ខ្ញុំគឺមកដល់ផ្ទះភ្លាមខ្ញុំធ្វើជាចោទប្រកាន់ស្ដ្រីម្នាក់នៅក្បែរផ្ទះថា ម៉េចអ្នកឯងក្បត់ចិត្ដប្ដីអញ្ចឹង? ស្ដ្រីនោះខឹងច្រឡោតឆ្លើយវិញ ខ្ញុំមិនមែនស្រីធុនប្រពន្ធលោកឯងទេ កុំចោទខ្ញុំផ្ដេសផ្ដាស។ រួចហើយ គាត់និយាយហែកកេរ្ដិ៍ប្រពន្ធខ្ញុំទាំងអស់។ ដូច្នេះប្រពន្ធខ្ញុំធ្វើអីនៅកន្លែងណាក៏ខ្ញុំដឹងគ្មានសល់ ៕

ដកស្រង់ចេញពីកាសែតកោះសន្តិភាព

សម្រកថែមទៅ ខែ វិច្ឆិកា 19, 2007

ស្ដ្រីម្នាក់ទូរស័ព្ទទៅប្ដីដែលកំពុងជាប់បំពេញបេសកកម្មតាមខេត្ដ ៖
-បងសំឡាញ់ ! ខ្ញុំចូលមណ្ឌលសេវាហាត់សម្រកខ្លាញ់៤អាទិត្យ ឥឡូវស្រកបាន១០០គីឡូហើយ សល់ទម្ងន់តែ១០០គីឡូទេ តើបងចង់ឱ្យខ្ញុំនៅហាត់ប៉ុន្មានថ្ងៃទៀត ?
ប្ដីឆ្លើយដោយអត់បាច់គិតច្រើន ៖
-៤សបា្ដហ៍ស្រកបាន១០០គីឡូ អ៊ីចឹងអូនឯងហាត់៤សបា្ដហ៍ទៀតទៅ !

ដកស្រង់ចេញពីកាសែតកោះសន្តិភាព

ត្រូវព្យាបាលម្ដងទៀត ខែ វិច្ឆិកា 16, 2007

លោកគ្រូពេទ្យម្នាក់ដេកយល់សប្ដិឃើញចុះទៅឋាននរក គ្រាន់តែគាត់ទៅដល់ភ្លាម លេចព្រលឹងខ្មោច មួយហ្វូងរត់ស្រមកចោមរោមតវ៉ា ៖
-ថ្ងៃមុនព្រោះតែលោកគ្រូពេទ្យឯងព្យាបាលផ្ដេសផ្ដាស ធ្វើឱ្យពួកយើងស្លាប់ចោលប្រពន្ធកូននៅឋាន កណ្ដាល ពេលនេះលោកគ្រូពេទ្យឯងត្រូវព្យាបាលម្ដងទៀត ឱ្យពួកយើងបានទៅឋានកណ្ដាលវិញ ។
លោកគ្រូពេទ្យភ័យពេកស្រែកវ៉ាសភ្ញាក់ដឹងខ្លួនវិញ ទើបអង្គុយរអ៊ូម្នាក់ឯង ៖
-យើងចេះត្រឹមព្យាបាលមនុស្សទៅជាខ្មោច តែព្យាបាលខ្មោចឱ្យទៅជាមនុស្សវិញ តើព្យាបាលយ៉ាង ម៉េចទៅ ?

ដកស្រង់ចេញពីកាសែតកោះសន្តិភាព

អ្នកណាបញ្ជា? ខែ វិច្ឆិកា 14, 2007

ប្រុសៗដែលបានទៅកើតនៅឋានសួគ៌ ថ្ងៃមួយព្រះឥន្ទហៅមកជួបជុំគ្នា រួចទ្រង់មានបន្ទូល ៖
-យើងដឹងថា នៅឋានកណ្ដាល ប្រុសខ្លះខ្លាចប្រពន្ធ ត្រូវប្រពន្ធបញ្ជា, ប្រុសខ្លះត្រួតប្រពន្ធ និងបញ្ជា ប្រពន្ធ។ យើងចង់ដឹងចំនួនពិតប្រាកដ តើចំណោមអ្នករាល់គ្នាដែលឡើងឋានសួគ?នេះ មានប៉ុន្មាននាក់ ខ្លាចប្រពន្ធ? ហើយប៉ុន្មាននាក់ត្រួតប្រពន្ធ? ចេញទៅធ្លាខាងមុខឈរជាពីរជួរឱ្យយើងមើលបន្ដិច អ្នក ខ្លាចប្រពន្ធឈរខាងឆ្វេង ឯអ្នកត្រួតប្រពន្ធឈរខាងស្ដាំ ។ ឮបញ្ជានេះគ្រប់គ្នាក៏ប្រញាប់ធ្វើតាម ។ ប៉ុន្ដែជួរខាងឆ្វេង ដែលជាជួរប្រុសខ្លាចប្រពន្ធនោះវែងរាប់យោជន៍ ចំណែកជួរខាងស្ដាំ ដែលជាជួរ សំរាប់ប្រុសត្រួតប្រពន្ធមានតែម្នាក់គត់ ។ ឃើញដូច្នេះ ព្រះឥន្ទសួរបុរសដែលឈរជួរខាងស្ដាំតែម្នាក់ ឯង ៖
-នេះបានចំជាប្រុសទ្រូង៥ហត្ថមែន។ ប្រាប់យើងមកមើល, នៅឋានកណ្ដាលអ្នកឯងធ្វើម៉េចទើបអាចត្រួតប្រពន្ធបាន ខណៈប្រុសឯទៀត៩៩,៩៩ភាគរយសុទ្ធតែត្រូវប្រពន្ធត្រួត ?
-ទេ ! ទូលបង្គំក៏ត្រូវប្រពន្ធត្រួតដែរតើ។
-អ្ហ៎ា, បើអ៊ីចឹងហេតុម៉េចឈរជួរខាងស្ដាំ?
បុរសនោះចង្អុលស្ដ្រីម្នាក់កំពុងអង្គុយលឹបល
-ក្រាបទូលព្រះអង្គ ! នាងម្នាក់នោះជាប្រពន្ធទូលបង្គំ នាងបញ្ជាឱ្យទូលបង្គំត្រូវតែឈរនៅជួរខាងស្ដាំ៕

ដកស្រង់ចេញពីកាសែតកោះសន្តិភាព

អត់ទោសបាន ឬមិនបាន ? ខែ វិច្ឆិកា 13, 2007

កុមារតូចម្នាក់ពេលម្ដាយជូនទៅដល់សាលាមត្តេយ្យ ស្រាប់តែនិយាយជាមួយម្ដាយ ៖
-សូមម៉ែអត់ទោសឱ្យខ្ញុំផង ខ្ញុំធ្វើបែកដបស្រាវីស្គីរបស់ប៉ាហើយ។
-ល្អណាស់កូនប្រុស កូនចេះទទួលកំហុសយ៉ាងនេះម៉ាក់មិនប្រកាន់ទេ។
ចុះកូនយកដបស្រាវីស្គីរបស់ប៉ាទៅធ្វើអ្វីបានជាវាត្រូវបែក?
-ខ្ញុំយកវាទៅដំនាឡិកាដៃរបស់ម៉ាក់ តែនាឡិកាមិនព្រមបែក បែរជាវាបែកដបទៅវិញ។
-ថាម៉េច ?????

ដកស្រង់ចេញពីកាសែតកោះសន្តិភាព

ផ្លាស់ប្ដូរតាម ខែ វិច្ឆិកា 12, 2007

ពូចេកក្អករហូតឈឺបំពង់ក ក៏ទៅជួបគ្រូពេទ្យ។ ក្រោយពីគ្រូពេទ្យពិនិត្យរួចរាល់ ក៏សួរឡើងថា ៖
គ្រូពេទ្យ ៖ អ្នកមានជក់បារីឬទេ?
ពូចេក ៖ ខ្ញុំជក់លោកគ្រួពេទ្យ។
គ្រូពេទ្យ ៖ អ្នកជក់មួយថ្ងៃប៉ុន្មានដើម?
ពូចេក ៖ មួយថ្ងៃប្រហែល២០ដើម។
គ្រូពេទ្យ ៖ អ្នកគួរជក់ក្រោយអាហារត្រឹមតែមួយពេលមួយដើមបានហើយ។
ពូចេក ៖ បាទលោកគ្រូពេទ្យ។ក្រោយពីនោះ៣ខែមក ពូចេកក៏មកជួបគ្រូពេទ្យតាមការណាត់ម្ដងទៀត។ គ្រូពេទ្យចាំពូចេកមិនបាន ព្រោះគាត់ធាត់ជាងមុនឆ្ងាយណាស់។ ក្រោយពីពូចេកណែនាំប្រាប់ គ្រូពេទ្យក៏ពោលឡើងថា ៖
គ្រូពេទ្យ ៖ អូហ៍ … អ្នកឯងសោះ ហេតុអ្វីពេលនេះធាត់ខ្លាំងម្លេះ ទាល់តែខ្ញុំមើលមិនស្គាល់។
ពូចេក ៖ មកពីខ្ញុំអនុវត្តតាមការណែនាំរបស់លោកគ្រូពេទ្យតែប៉ុណ្ណោះ។
គ្រូពេទ្យ ៖ អីចឹងមានន័យថា អ្នកជក់បារីក្រោយអាហារបានត្រឹមត្រូវតាមទាំងបីពេលនោះពិតមែនទេ?
ពូចេក ៖ អត់ទេ ! គឺខ្ញុំផ្លាស់ប្ដូរទទួលទានអាហារមួយថ្ងៃ២០ពេល ដើម្បីឱ្យបានជក់បារី២០ដើមតាមដែរ។
គ្រូពេទ្យ ៖ អុញ !

ដកស្រង់ចេញពីកាសែតរស្មីកម្ពុជា

នរណាឆ្កួត ? ខែ វិច្ឆិកា 8, 2007

នៅមន្ទីរពេទ្យឆ្កួតមួយជួនជាពេលគ្រួពេទ្យឆ្កួតដើរមក គាត់បានប្រទះពួកមនុស្សឆ្កួតមួយក្រុមកំពុងអង្គុយជុំគ្នាជារង្វង់មួយ។ ឃើញដូច្នោះគាត់ក៏ដើរចូលទៅមើល ហើយក៏ភ្លាត់មាត់ ‹យី ! ពួកអាឆ្កួតអស់នេះ ម៉េចបានជាយក កំប៉ុងអាចមន៍មកដាក់ក្រោមចង្រានមានភ្លើងបែបនេះវិញ !› ថាហើយគាត់ក៏ទាត់កំប៉ុងនោះមួយជើងធ្វើឱ្យខ្ទាតអាចមន៍រប៉ាត់រប៉ាយ។ ស្រាប់តែពេលនោះ ពួកមនុស្សឆ្កួតទាំងនោះក្រោកឈរឡើងទាំងខឹងហើយស្រែកគំហ៊កឱ្យគាត់ថា ‹យី ! អាឆ្កួតនេះ ! នៅសុខៗមកទាត់ឆ្នាំងបាយយើងកំពុបអស់ ! អានេះចំជាឆ្កួតមែន !› ៕

នាំគ្នាជួយគិតមើល៎ ! តើនរណាជាអ្នកឆ្កួតទៅហ្ន៎ ! ហេស ហេស!!!