ថ្ងៃមួយសេដ្ឋីនិងអ្នកក្ររហាមកំពុងឈរនិយាយគ្នា…
សេដ្ឋីអ្នកចាប់ផ្ដើមកិច្ចសន្ទនាមុន៖
– អញមានប្រាក់រាប់រយលានកោដិតម្លឹង ម៉េចក៏ឯងមិនអែបអបអញ?
+ លោកសេដ្ឋីមាន ក៏មានតែលោកទៅ មានរឿងអីខ្ញុំត្រូវអែបអបលោក?
– ចុះបើអញឱ្យទ្រព្យសម្បត្តិអញពាក់កណ្ដាលឱ្យទៅឯង តើឯងព្រមអែបអបអញឬអត់?
+ បើខ្ញុំមានស្មើនឹងលោកសេដ្ឋីទៅហើយ ហេតុអ្វីខ្ញុំត្រូវអែបបលោកទៀត?
– ចុះបើអញឱ្យទ្រព្យសម្បត្តិអញទាំងអស់ឱ្យទៅឯង តើឯងព្រមអែបអបអញឬអត់?
+ បើខ្ញុំមានដូចលោកសេដ្ឋីសព្វថ្ងៃនេះទៅហើយ គឺលោកសេដ្ឋីទេដែលត្រូវអែបអបខ្ញុំវិញនោះ៕